Social Icons

Pages

Sunday, February 11, 2007

கொச்சின்துறைமுக வலம்!

மே 29, 2006 மதியம் 1.00 மணி (இந்திய நேரம்)மத்தன்சேரிக் கோட்டையிலிருந்து வெளியேறி மதிய உணவிற்காக எங்காவது நல்ல உணவகம் செல்லுமாறு கார்ச்சாரதியைப் பணித்தேன். மதிய உணவை நாம் அடுத்துப் பார்க்கப் போகும் கொச்சின் துறைமுகப் பகுதியிலேயே எங்காவது எடுக்கலாமே என்று ஆலோசனை சொன்னார். செரி என நான் பதிலுறுக்க நேரே கொச்சினிலுள்ள "மலபார் ஹவுஸ்" க்கு காரை எடுத்துச் சென்றார்.

வழியோரக்கடைகளில் ஏதாவது சாப்பிட்டு வயிற்றில் வம்பை விலைக்கு வாங்க என் மனம் இடங்கொடாததால் விலை அதிகம் என்றாலும் ஒரு உயர்தர உணவகத்தைத் தேடிச்செல்வது நல்லது என்று நான் முன்னரே கார்ச்சாரதியிடம் சொன்னதை நினைவில் வைத்துத் தான் அவர் இந்த ஹோட்டலுக்கு இட்டுச் சென்றார்.

மலபார் ஹவுஸ் கொச்சின் பிரதேசத்தின் முக்கியமான நினைவிடங்களில் ஒன்றாக இருக்கின்றது. Jan Herman Clausing என்ற டச்சுக்காரர் 27, மே , 1755 ஆம் ஆண்டு Mathew Henrich Beyls இடமிருந்து இதை வாங்கியதாகச் சொல்லப்படுகின்றது. 1795 ஆம் ஆண்டு பிரிட்டிஷார் கொச்சினைக் கைப்பற்றியபோது இதன் உரிமையும் அவர்களிடம் சென்றுவிட்டது. மலபார் ஹவுஸ் கொச்சின் துறைமுகத் தலைவர் Mr. Wrinkler இன் குடும்பத்தின் வாசஸ்தலமானது. 1889 ஆம் ஆண்டு ஜனவர் 4ஆம் திகதி, பாரியதீ விபத்தைச் சந்தித்ததைத் தொடர்ந்து Wrinkler இன் மகள் Harrisons மற்றும் Crossfield இற்கு விற்றார். காலவோட்டத்தில் தேசிய வங்கியின் நிர்வாகிகளின் வாசஸ்தலமாகி, இப்போது 1995 ஆம் ஆண்டிலிருந்து Cochin Residency (P) Ltd இதை நிர்வகிக்கின்றது.
(ஆதாரம் : மலபர் ஹவுஸ் தகவல் தளம்)


நல்ல வசதிகளோடு விளங்கி கொச்சினைச் சுற்றிப்பார்க்கவும் ஏற்புடைய வாசஸ்தலமாக மலபார் ஹவுஸ் விளங்கிவருகின்றது. டொலரோ யூரோவையோ மணிப்பையில் கொண்டுபோவோருக்குத் தான் லாயக்கு.

ஒரு நட்சத்திர உணவகம் என்பதால் வெள்ளைத் தலைகள் தான் அதிகம் தென்பட்டன. எனக்குப் பிடித்த முன்பே திருவனந்தபுரத்தில் ருசித்த கறிமீன்வறுவலுடன் சாப்பாடு கிடைத்தது. சாப்பிடும் போது ஏதோ செயற்கைத் தன்மையை உணரமுடிந்தது. சாதாரண உணவகங்கள் என்றாலும் அவற்றில் சுவை அதிகம். இங்கேயோ அதிகம் விலை கொடுத்து சப்பென்று சாப்பிட்டமாதிரி என்று நினைத்துக் கொண்டேன்.
சாரதியும் உண்டு களைத்து காரில் ஓய்வெடுத்துக்கொண்டார்.
அவரைத் தொந்தரவு செய்யாமல் நடை தூரத்தில் இருந்த கொச்சின் துறைமுகத்தை நோக்கி நடை போட்டேன். அப்போது தான் வழி நெடுக உள்ள துறைமுகத்தை அண்டிய உண்வகங்களைக் காண நேர்ந்தது. அவற்றைக் கடக்கும் போது மூக்கின் நாசியை தயாரித்துக்கொண்டிருக்கும் கடலுணவின் மணம் கைது செய்துகொண்டிருந்தது.
மலபார் துறைமுகத்தை அண்டிய பகுதிகளில் வகை வகையான மீன், இறால், நண்டு இத்தியாதி கடலுணவுகள் வாரியிறைக்கப்பட்டுக் குவியல் குவியல்களாக விற்பனையாகிக் கொண்டிருந்தன. அவற்றை அங்கேயே வாங்கிப் பக்கத்தில் உள்ள அந்த நடைபாதையோர உணவகங்களில் கொடுத்தால் சுவையான கறியை உடனேயே சமைத்துத் தருகின்றார்கள். அடடா நல்லதொரு அனுபவத்தைத் தவறவிட்டுவிட்டோமே என்று மனம் புழுங்கியது. கொச்சின் கடற்கரையைத் தொட்டு அழுத்தமாக முத்தம் கொடுத்தவாறே பாரிய கப்பல்கள் அணிவகுக்கின்றன. Chinese net எனப்படும் நீண்டவலைக்கட்டமைப்பும் , ஆங்காங்கே சிற்றரசர்கள் போல தெல்லுத் தெல்லாகச் சிறுபடகுகளும் தென்படுகின்றன. போர்த்துக்கேயர் பாவித்த பீரங்கி ஒன்று கடற்கரை நடைபாதையை விட்டுவிலகிய முட்புதர் ஒன்றில் தென்படுகின்றது. எதுவித கவனிப்பாரும் இன்றிக் கடல் மேல் விழி வைத்துக் கரள் கட்டிய தேகத்தோடு காத்திருக்கின்றது அது. இந்தத் துறைமுகம் எந்தவிதமான தங்கி இளைப்பாறும் தரத்தில் உள்ள கடற்கரையாக இல்லாமல் கடல்வணிகத்தின் கேந்திரமாகவே தென்படுகின்றது. ஆனாலும் காதலர்கள் உட்பட கூட்டம் கூட்டமான சனத்திரளுக்குக் குறைவில்லை.
அடுத்த பதிவில் மேலும் சில படங்களுடன் கொச்சின் பற்றிய பார்வை தொடரும்.

வீண்டும் காணாம்......

14 comments:

சின்னக்குட்டி said...

வணக்கம் பிரபா....கொச்சின் துறைமுக வலம்... வந்ததை பகிர்ந்த பதிவுக்கு நன்றிகள்...உலாத்தல் தொடரட்டம்...

சினேகிதி said...

\\அவற்றை அங்கேயே வாங்கிப் பக்கத்தில் உள்ள அந்த நடைபாதையோர உணவகங்களில் கொடுத்தால் சுவையான கறியை உடனேயே சமைத்துத் தருகின்றார்கள். அடடா நல்லதொரு அனுபவத்தைத் தவறவிட்டுவிட்டோமே என்று மனம் புழுங்கியது\\

adada...inoruka sapidu irukalame :-) Nanendal apidithan seithu irupan.

வடுவூர் குமார் said...

பீரங்கியை பாதுகாப்பதற்க்கு முன்பு கட்டிடம் இடிந்துவிழும் போல் உள்ளது.

செல்லி said...

//வழியோரக்கடைகளில் ஏதாவது சாப்பிட்டு வயிற்றில் வம்பை விலைக்கு வாங்க என் மனம் இடங்கொடாததால் விலை அதிகம் என்றாலும் ஒரு உயர்தர உணவகத்தைத் தேடி// ப் போய் கடைசியில உப்புச் சப்பத்த சாப்பாடு கூடக் காசைக் குடுத்துச் சாப்பிட்டதான் மிச்சம்.

போத்துகேயர் காலத்துப் பீரங்கியை இப்பவும் பார்க்கக் கூடியதாய் இருக்கிறது; ஆனா கட்டிடம் உக்கி விழுந்திடும்போல கிடக்கு.

செந்தமிழ்ச் செல்வற்றையைவிட இந்த உலாத்தல் கலக்கும்போல கிடக்கு.
இதுக்கு நான் வேணுமெண்டா நூல் விமர்சனம் எழுதிறன்.
புத்தகம் வெளியிடுற எண்ணமிருக்கோ?
நன்றி, பிரபா.உண்மையில் நல்ல பதிவிது.

கானா பிரபா said...

சின்னக்குட்டியர் வருகைக்கும் தொடர்ந்த ஊக்குவிப்புக்கும் என் நன்றிகள்,

சினேகிதி

நீங்களென்றால் இரண்டாந்தரம் சாப்பிடுவியளோ? நல்ல ஆளப்பா. கனடாவில ஏன் அதிகம் சமோசா விலைப்படுகுது என்று இப்ப விளங்குது.
(பார்க்க மதியின் பதிவு விற்பனையாகும் சமோசாக்களின் எண்ணிக்கை 7000 - 10000 -http://mathy.kandasamy.net/musings/2007/02/07/635)

வி. ஜெ. சந்திரன் said...

உங்கட உலாத்தலும் படங்களும் வலு கலாதியா இருக்கு. ஒருக்கா நானும் உலாத்தினா என்ன எண்ட மாதிரி கிடக்கு :)

கானா பிரபா said...

//வடுவூர் குமார் said...

பீரங்கியை பாதுகாப்பதற்க்கு முன்பு கட்டிடம் இடிந்துவிழும் போல் உள்ளது. //

;-) உண்மைதான் வடுவூர் குமார்.

//செல்லி said...

செந்தமிழ்ச் செல்வற்றையைவிட இந்த உலாத்தல் கலக்கும்போல கிடக்கு.
இதுக்கு நான் வேணுமெண்டா நூல் விமர்சனம் எழுதிறன்.//

செல்லி, உண்மையாத்தான் சொல்லுறியள் போல. நூலாக வரும் வாய்ப்பிருந்தால் கட்டாயம் உங்களுக்குத் தான் விமர்சனப் பதவி, நூல் வெளியீட்டுக்கு வருபவர்களுக்கு ஒரு கட்டு முருங்கைக் காயும் கொடுக்கலாம். எப்படி ஐடியா? ;-)

தூயா said...

போங்க அண்ணா..உங்களுக்கு ஒரே உலாத்தால் தான்..குடுத்து வைத்த மனிதர்..

கானா பிரபா said...

//வி. ஜெ. சந்திரன் said...
உங்கட உலாத்தலும் படங்களும் வலு கலாதியா இருக்கு. ஒருக்கா நானும் உலாத்தினா என்ன எண்ட மாதிரி கிடக்கு :) //

சந்திரன், தாராளமாக உலாத்தலாமே, அருமையான தெரிவு இது.

//தூயா said...
போங்க அண்ணா..உங்களுக்கு ஒரே உலாத்தால் தான்..குடுத்து வைத்த மனிதர்.. //

;-)) தூயா, இந்த உலாத்தல் குறைந்த செலவில் நிறைந்த இன்பம். நீங்களும் திட்டமிடுங்கள், ஏதாவது தகவல் தேவையென்றால் உதவுவேன்.

Kanags said...

//நூலாக வரும் வாய்ப்பிருந்தால் கட்டாயம் உங்களுக்குத் தான் விமர்சனப் பதவி//
நல்ல கலர்ப் படங்களாப் போட்டு ஜமாய்ச்சிடுங்கோ. வாங்கிறதுக்கு ஆட்கள் சேர்த்துத் தருவது எனது பொறுப்பு. என்ன சொல்லிறியள்:)

தொடர்ந்து எழுதுங்கோ.

கானா பிரபா said...

//Kanags said...
நல்ல கலர்ப் படங்களாப் போட்டு ஜமாய்ச்சிடுங்கோ. வாங்கிறதுக்கு ஆட்கள் சேர்த்துத் தருவது எனது பொறுப்பு.//

அடடா உங்கட உள்குத்து தெரிகிறது, பாடுமீன் சபையில் பேசியது எனக்கே பூமராங் ஆக ;-)))

சினேகிதி said...

\\நல்ல ஆளப்பா. கனடாவில ஏன் அதிகம் சமோசா விலைப்படுகுது என்று இப்ப விளங்குது.
(பார்க்க மதியின் பதிவு விற்பனையாகும் சமோசாக்களின் எண்ணிக்கை 7000 - 10000 \\

samosakellam antha kudupinai ilai :-) meen varuvaluku mattum than.

Anonymous said...

hi friend how to contact you?
my native place jaffna

கானா பிரபா said...

வணக்கம் நண்பரே

இந்த ஈமெயிலுக்கு ஒரு மடல் போடுங்கள்

kprabu@yahoo.com